Konseho di penshun stratégiko

Kiko un konsehero di penshun por nifiká pa bo?

Un konsehero di penshun ta bo partner di kòmbersashon stratégiko riba tereno di penshun. Nos konseheronan di penshun tin konosementu i eksperensia amplio riba tereno di areglo di penshun, finansiamentu i implementashon, i por duna bo konseho den relashon ku tur bo problemanan di penshun. Nos konseheronan di penshun ta yuda bo pensa riba e forma ku bo ke duna e areglo di penshun, su finansiamentu, mehoramentu di e organisashon di e implementashon i optimalisashon di atministrashon di kapital i maneho di riesgo. Den e kuadro ei nos no ta duna solamente konseho stratégiko, pero nos ta pèrkurá tambe pa e implementashon mes di bo maneho.

Algun ehèmpel konkreto:

• Diseñá maneho di penshun i areglo di penshun
• Investigá e manera mas adekuá pa implementá penshun
• Sosten na ora di desaroyo di produkto pa fondonan di penshun i aseguradónan
• Dokumentá i mehorá prosesonan di implementashon
• Implementá atministrashon di penshun
• Formulá maneho finansiero (interes aktuarial, tabèl di sobrebibensia, maneho di invershon i maneho di riesgo)